Aldundiaren Logoa

Foru Aldundia - Diputación Foral

Harremana

Bizkaia 21

Bizkaia21 logotipoa

Zugaztietako pasealeku irisgarria

Kanpoko atsedenerako ekipamenduak - Ibilbideak

Ibilbideak

Ibilbide erraz batek osatzen du Zugaztietako Putzuetako meatze-inguruaren eskaintza; pasealeku horrek putzuen inguruan ibiltzeko aukera ematen du, 600 metroko luzera duen ibilbidearekin, ia desnibelik gabe eta jende guztiarentzat egokia. 10 eta 46 metroko zurezko bi pasabide ditu, eta haien egitura meatzeetatik burdina garraiatzen zuten aire-tranbia zaharren egituraren antzekoa da.

Pasealekuak Ostión, Parkotxa eta Blondis putzuak ikusteko aukera emango digu, baita aspaldiko meatze-jardueraren azpiegituren arrasto ugari ikusteko aukera eman ere: plano makurtuak, galeriak, meatze-auzoak eta abar.

Ibilbidea Blondis putzuaren aurrean kokatuta dagoen begiratoki batean amaitzen da, eta begiratoki horretan hainbat interpretazio-panel daude, meatze-jarduerak paisaian utzi zituen eta gaur egun oraindik ere ikus daitezkeen arrastoak identifikatzen laguntzeko.

Larreineta eta Zugaztieta artean dagoen aparkaleku berritik abiatzen den lurpeko pasabidetik edo bi meatze-auzo horiek elkartzen dituen espaloitik iritsi daiteke begiratoki horretara.

Trianoko Mendietan gaude, aspaldi Matamoros izena zuen leku batean, non aire zabaleko meatze-ustiapen bat egon zen; meatze horren unerik onena XIX. mendearen amaiera eta XX. mendearen hasiera izan zen. Ateratzen zen burdin mea batez ere atzerrira garraiatzen zen, Britainia Handiko eta Europako beste herri batzuetako enpresa siderurgikoetara. Behin jarduera bertan behera utzi zenean, meatze zaharrak ureztatu egin ziren lurpeko ura azaleratzerakoan, eta paisaia harrigarria sortu dute. Gaur egun duen garrantziaren adibide argia da Euskadiko Geologia Interesgune gisa katalogatuta dagoela.

Lekupena

Trapagaran

Datu interesgarriak

GARRAIO PUBLIKOA

Larreinetako funikularra:
Trapagaranetik Larreinetara joateko modu bitxia da. Bi geltoki besterik ez ditu: Trapagara eta Larreineta. Funikularraren maiztasuna gutxi gorabehera 30 minutukoa da, eta Larreineta eta Zugaztietatik transbordadore-zerbitzua dago.

Autobusa:
Autobusa: Bizkaibusen hainbat linea. A3333 Santurtzi-Zugaztieta. Trapagaraneraino, A3141 linea.

Trena:
Renferen aldiriak, C-2 linea, Trapagaraneraino, eta bertan autobusa edo funikularra har ditzakegu.


ERREPIDETIK
A-8tik Portugaleteko irteera hartzen dugu Trapagaranerako noranzkoan. Hirigunera iristen garenean, N-364 errepidearekin dagoen bidegurutzean, aurrera zuzen jarraitzen dugu Larreineta eta Zugaztieta auzoetara igotzen den Funikular kaletik. Bi herriguneen artean egin den aparkalekuak aparkatu behar da; aparkalekuak 120 auto eta 10 autobus aparkatzeko edukiera du, eta hainbat plaza daude mugikortasun urriko pertsonentzat.

Erantsitako agiriak

Materiala eta estekarak

Gora

Ulerturta