Ziberingurumena
Animatu eta bidali iezazkiguzu ezagutzen dituzun Interneteko helbide interesgarriak, aldizkariaren atal honetan horiei buruz hitz egiteko.
bizkaiamaitea.aldizkaria@bizkaia.eus
Aldizkariaren atal honetan, «Gaurkoa/Actual» horren barruan, Interneteko hainbat helbide ezagutuko ditugu, euren edukiagatik eta interesagatik lagungarriak izango direnak gure ingurunearen jasangarritasunarekin zerikusia duten gaietan sakontzeko eta alderdi berriak ezagutzeko. Ziberingurumen@ dela bide, irekitako leiho birtual berritik begiratu ahal izango dugu modu atsegingarrian, eta familiako guztien eskura egongo da.
Bizkaiko hondartzak
Bizkaiko Foru Aldundiko webgune ofiziala. Bertan Bizkaiko hondartzei buruzko informazioa ematen da (mareen ordutegiak, uraren kalitatea, lagundutako bainuak…), baita hondartzako erabiltzaileentzako gomendio erabilgarriak ere.
Hontza Museoa
Hontza Museoaren webgunea. Museo horren oinarriak hauek dira: Enrike Huerta bere sortzailearen naturarekiko zaletasuna eta bere herrian, Durangon, Natur Zientzien inguruko museo bat sortzeko izan zuen grina. Webgune horretan eraikinaren instalazio, ordutegi, erakusketa eta historiari buruzko informazioa ematen da, baita museoan bertan dauden espezimen aipagarrienei buruzkoa ere.
Nekazaritza ekologikoa eta iraunkortasuna
Nekazaritzaren Sustapen Zentroaren web orria (CIPCA). 50 urtetik gora darama familiako nekazaritza txikiaren, nekazaritza ekologikoaren eta iraunkortasunaren alde lan egiten, landa eremuko pertsonak prestatuz eta gaitasunak sustatuz, beren bizimodua hobetu eta eragiten dieten erabakietan parte hartzeko.
Zahartze aktiboari buruzko webgune berria
Bizkaiko Foru Aldundiak zahartze aktiboaren inguruko webgune berri bat sortu du. Bertan aurki daiteke zahartze aktiboaren inguruko jarduera, hitzaldi, lehiaketa eta albisteei buruzko informazioa.
Hipika kluba
Zornotzako Kati-bi Hipika Klubaren webgunea. Bertan zaldiz egiteko ibilbideak, ekitazio terapeutikoa, instalazio, ekitazio eskola, zaldiekin erlazionatutako albiste eta abarrei buruzko informazioa aurki daiteke.
Elektronika etikoa
Mugarik gabeko Ingeniaritza Erakundearen webgune ofiziala. Bertan azaltzen da zehatz-mehatz nola egin produktu elektronikoen erosketa eta erabilera etikoa.