Ziberingurumena

Animatu eta bidali iezazkiguzu ezagutzen dituzun Interneteko helbide interesgarriak, aldizkariaren atal honetan horiei buruz hitz egiteko.

bizkaiamaitea.aldizkaria@bizkaia.eus

Aldizkariaren atal honetan, «Gaurkoa/Actual» horren barruan, Interneteko hainbat helbide ezagutuko ditugu, euren edukiagatik eta interesagatik lagungarriak izango direnak gure ingurunearen jasangarritasunarekin zerikusia duten gaietan sakontzeko eta alderdi berriak ezagutzeko. Ziberingurumen@ dela bide, irekitako leiho birtual berritik begiratu ahal izango dugu modu atsegingarrian, eta familiako guztien eskura egongo da.

http://www.unicef.es

Haurren Laguntzarako Nazio Batuen Funtsa (UNICEF)

Haurren Laguntzarako Nazio Batuen Funtsarekin lankidetzan diharduten 36 batzorde nazionaletako bat da UNCEF Espainiako Batzordea, eta mundu osoan haurren osasun, hezkuntza eta babeserako eskubideak bermatzeko lan egiten du.

http://www.decrecimiento.info

Deshazkundea

Zer da deshazkundea?, horren historia, alternatibak, erlazionatutako informazioa … Webgune honetan informazio ugari topatuko duzu, ikuspegi ezberdinetatik neurrigabeko hazkundearen kontra 30 urte baino gehiagoz borrokatu den pentsamendu-korronte honen inguruan.

http://munstrowc.eus/?lang=eu

Ez elikatu Munstroa

Higienerako paper-zapiak komunetik behera botatzeak dituen ondorioen gainean ohartarazteko kanpaina da «Ez elikatu Munstroa» eta horri buruzko informazioa jasotzen da webgunean, bide batez, ohitura arduratsuak sustatuta. URA - Uraren Euskal Agentziak eta Euskadiko Ur Partzuergo eta Mankomunitateek sustatutako ekimena da.

http://ocean.nationalgeographic.com/ocean/explore/pristine-seas/

Sortzetiko Itsasoak (Pristine Seas)

National Geographic erakundearen webgunea da, eta Enric Sala ekologo katalanaren Sortzetiko Itsasoei (Pristine Seas) buruzko proiektua jasotzen du, helburu argia duena: ozeanoetan dauden azken txoko «berri» horiek aurkitzea, aztertzea eta babesten laguntzea.

http://www.lekeitio.org/eu

Lekeitioko turismo bulegoa

Lekeitiori buruzko informazio turistiko adierazgarriena jasotzen da webgune honetan. Lekeitio beti bizi izan da itsasoari begira eta horrek, itsasoak, eraiki du, mendeetan zehar, gizon eta emakume lekeitiarren izaera.

http://www.redciudadesinteligentes.es

Hiri Adimendunen Espainiako Sarea (RECI)

Webgune hau Hiri Adimendunen Espainiako Sarearena da (RECI); eraginkortasun energetiko eta politikoa hobetzearen aldeko apustua egiten du, hirien garapen sozial, kultural eta urbanoa ahalbidetuz.