JARDUERAK

Parte hartu duten ikastetxeek aitortza jaso dute

Aktibatu+ 2015-2016

Pasa den ekainaren 6an, Busturialdea-Urdaibai, Mungialdea, Txorierri, Erandio, Getxo eta Leioako 19 ikastetxetako Lehen eta Bigarren Hezkuntzako 200etik gora ikaslek aitortza jaso zuten ikasturte honetan Aktibatu+ programaren baitan egindako lanarengatik. Bizkaiko Foru Aldundiaren Aktibatu+ ekimenaren helburua da iraunkortasunaren alde herritarren parte-hartzea sustatzea, eta beste zenbait erakunderen laguntzaz ere garatu da.

Garatutako ekimenen bitartez, ikasle horiek bataz beste %5ean murriztu ahal izan dute euren ikastetxeetako energia-kontsumoa eta, era berean, hondakin gutxiago sortzea, gaikako bilketa areagotzea eta erosketak modu iraunkorragoan kudeatzeko irizpide berriak finkatzea ere lortu dute.

Leioan burututako ekitaldian zenbait erakundeetako ordezkariak izan ziren, Elena Unzueta, Bizkaiko Foru Aldundiko Iraunkortasun eta Ingurune Naturala Zaintzeko Saileko foru Diputatua, besteak beste.

Sari eta ziurtagirien banaketa egin ondoren, Lehen Hezkuntzako ikasleek «Hau Oparia!» antzezlanaz gozatzeko aukera izan zuten, Monda Lironda antzerki konpainiaren eskutik. Bigarren Hezkuntzako ikasleek, ordea, «La sal de la tierra» dokumentala ikusi ahal izan zuten.

──────────────────────────────────────────────────

IKASTEETXE SARIDUNAK

 

EROSKETA-HONDAKINAK sariak

1. Saria: Urdaibai Bird Centerren bisita gidatua
Sta. Mª del Socorro – Mertzede Ikastetxea

2. Saria: Getxo Aquariumera bisita
Eleizalde Ikastola

3. Saria: Deustuko sifoian bisita gidatua
Jose M.ª Uzelai Herri Ikastetxea

Emaitzarik onenak lortu dituen zentroaren aipamen berezia: Urkiola parkean bisita gidatua
Mundaka LHI

Komunikazio kanpainarik ikusgarriena egin duen zentroaren aipamen berezia: Betelurin bisita gidatua
Montorre LHI

ENERGIA sariak

1. Saria: Metro Bilbaoren instalazioetan bisita eta bidaia kabinan CEIP Lezama HLHI

2. Saria: Armañongo parketxera bisita
Larrabetzuko eskola

3. Saria: Gorbeiako parketxera bisita
CEIP Larrañazubi HLHI

Emaitzarik onenak lortu dituen zentroaren aipamen berezia: Galindon bisita gidatua
Txomin Aresti LHI

Komunikazio kanpainarik ikusgarriena egin duen zentroaren aipamen berezia: GARBIKERen bisita gidatua
Artatza-Erromo BHI

Santurtziko baleak Bizkaiko Golkoan

Erakusketa

Erakusketak Bilboko Itsas Museoa eta Santurtzi Itsasoa Museoa interpretazio-zentroa lotzen ditu, baina bi zatitan banatuta: euretako bat ITSAS MUSEOAREN kanpoko aldean dago, bestea, berriz, SANTURTZIKO ARRANTZA PORTUAN. Erakusketa honek zetazeo eta beste itsas-animalia batzuen argazki zoragarriak biltzen ditu. Argazkiak, Gorka Ocio naturalista eta ornitologo santurtziarrak egin ditu, Santurtziko Baleak/verballenas.com programaren arduradunak.

Sarrera doan da eta urrira arte egongo da zabalik.

 

Informazio gehiago: www.bizkaikobaleak.eus