Gida honek erakunde bakoitzaren metodologian laguntzeko xedea du, betiere kasuan kasuko premiak eta inguruabarrak aintzat hartuz. Autoreak, Joseba Martinez Huertak, iraunkortasunerako hezkuntza programa baten ebaluazioari nola ekin azaldu du.
Ebaluazio gidan kultura berria eraikitzeko beharra azaltzen da; horretarako, hezkuntzak eginkizun erabakigarria duelarik. Izan ere, hezkuntza funtsezkoa da iraunkortasunerako, eta ezinbestekoak dira, halaber, beste alderdi batzuk ere, esaterako ingurumen kalitatea eta baliabidetarako sarbidea, baita parte hartze, berdintasun eta justizia soziala ere. Ebaluazioak hezkuntza prozesuko parte gisa duen garrantzia azaldu du liburuak, ebaluazioaren bitartez, esperientziatik ikasi eta aurrera begira hobetzeko egokitzapenak aplika daitezkeelako.
